Na Oficina Virtual do Medio Rural unicamente necesitas disponer dun lector de documentos PDF como o Adobe Reader.
No caso de acceder á Sede Electrónica da Xunta de Galicia ou a unha das Oficinas Virtuais necesitas:
Certificado electrónico
A Sede Electrónica da Xunta de Galicia acepta todos os certificados validados pola plataforma @firma da Administración Xeral do Estado, que son os que figuran nesta relación.
Chave365
Chave365 permítelles aos cidadáns maiores de idade identificarse e asinar documentos na sede electrónica da Xunta de Galicia sen necesidade de usar certificados dixitais nin DNI electrónico. Con Chave365, a persoa identifícase co seu NIF e clave de acceso persoal e asina electronicamente cun código único para cada operación, que recibe no seu teléfono móbil.
Máis información sobre Chave365.
PIN
A Oficina Virtual de Gandaría precisa dun contrasinal (PIN). No caso de solicitar o contrasinal (PIN) por primeira vez, debes dirixirte persoalmente a unha Oficina Agraria Comarcal (OAC). O persoal da OAC, despois de comprobar axeitadamente a túa identidade (mediante DNI ou documento similar), procederá ao rexistro dos teus datos.